Na wah oh!
ABROAD BOYFRIEND ISH
Here goes my chronicle…..
The work when I dey do no dey let me see road well talkless of mingle.
Na im I come dey Facebook o, dey do my tin jejely nai I meet one friend of mutual friends(UK based) 48YRS AND ME NA 31YRS
Na so we come begin gist for some years, before you knw am, we come begin talk some kain worries when two of us get.
Nai I yarn am say dis whole country and work don tire me, I for no mind move o, nai he say make I try get visa na even ginger me come send me invitation.
I come try some 3years back, dem don nearly give me o (they come tell me say, my salary too small and dem no feel say I go come bak when I reach there). Choi! Dem no even hide am sef under the guise of - … the purpose and justification was not verifiable as Schengen dey do….. dem just knack am give me!!!! Na dat time I knw say the work when I dey do na big name wen dey kill small dog!!!
So I come tell am d result o…he come say we go try again! I say u and who? I no go there again. Say the only way when I go fit use dat my small salary when dem condemn na if na my husband I dey go meet, I go knw say dem fit overlook if he get better work there.
Nai guyman say make we try am again na, but this time make we do marriage (whether he don first dey find wife bfr I no knw as I come talk nai he quick quick jump at d offer). Based on say I dey single at the time, nai I decide to give am a try. Na so we come dey ‘date’ o. Dey try to know each other o…. in the process I come see some badddddd tins like:
1) He no send church (him excuse na he dey work weekends), I come say at least make it a point of duty to go to church once a month. He say wetin b my own with church sef? He no get
2) He be like who no dey hear when u dey talk to am (cos he go dey talk off point) I first tink say na network, later later I come realise say na so he be dese last few days) We no just dey the same wavelength at allllllllll
3) He is not family oriented(You know when u dey date person when wan take you serious, he go dey try wan get along with your siblings, this one? Whosai!!!!!, then anoda red flag( for am to buy ticket come Nigeria, na war… he say he need to save money first( HIAN- person when dey work and be citizen? Person when never come home in 19yrs?) This life big ooooo, Person no go just visit Nigeria in 19yrs when him parents dey reside here… na wa o
4) I never even talk, he don dey try hint me say- for that side na 50/50 o, nai I clear am say- whether you like am or not, you are Nigerian even though dem born you for that side… Man na Man. You must live up to your responsibility.I no talk so I no go support you, but no use am choke me say if eventually I come, na 50/50.
5) Also, he first marry to one oyibo, bt marriage no last reach 3yrs. I ask am wetin happen, he say- she no gree move from her city, him sef move go meet am bt he no fit cope, nai he move back break up with both consent o.( Dat story no gel for me at all)
6) Anoda tin, Grown man go dey ask hw much he go use tak come Nigeria when go reach am for one month as if he no dey watch news and how things don change since 2yrs ago talkless of 19yrs. I come even tell am say 2000pounds, na so he ask me if he wan build house? That time sef d exchange rate never high like dis o…. HE NO JUST SABI SOME KAIN BASIC THINGS.
7) I no like d kain clothes he dey wear (all dose kain clothes when mature man no suppose wear like baggy knickers and polo with stupid inscriptions (eg PINAS LOWRIDERS, GO FUCK YOURSELF OR IF YOU DON’T LIKE ME GO HUG THE WALL) on them.
8) Na so this old man go go facebook, put picture of babes when get extra large booty with inscription (Is God not good?) Choi, I don talk tire, He go tell me say na him wall, he can do what he wants.
The big one come be say, as I say make he show say he serious- na so Omo guy send ring ooooooooo (I just wear d ring snap show am then wear am inside house and mayb when I dey find accessory to complement others(Sincerely)
9) Basically everything na push I dey push am. Him Nigerian passport na me push am do am (he come dey thank me later). He come finally book ticket, cheap one (all of us like cheap things but this one na poison cos he wait for almost 1 yr to first gather d money bfr he come book am for far far date so that e go cheap).
Now he wan come naija, I don already dey tell am say I no sure say I fit do wetin he want and I dey return him ring to am once he come- he dey there dey tell me to start making the plans for the intro and registry. I no even ansa am again, na so he send me msg say I dey give am silent treatment. Then aspa the registry sef, he say me and am go just go, make we for get d certificate take start to process the papers, then the introduction when he dey talk, na him go just come see my mama(as if I no get papa) tell am say na him o, bt nw as e be so, we wan just do d registry first then when d papers don ready, we go come do the big traditional and church wedding as I want(Some people no get VALUES sha). I come ask am wetin do him family- he say him papa no well, the siblings wen dey d ctry he no sure say dem go get chance to leave work follow am come (Na dis one I take conclude say na either spirit he be or him head dey do skoiskoi).
Abeg my fellow BVs, make i no read any curse for the comments. I use everything una hold dear take beg una. I just need advice on how to tell him to go and get a life and how to return the ring without anyone getting hurt.
NA ADVICE I TALK NO B CURSES O.
YOU NEVER KNOW WHAT OTHERS ARE GOING THRU UNTIL YOU GO THRU SUCH YOURSELF. LONELINESS NO GOOD O ESPECIALLY WHEN YOU ARE OF MARRIAGEBALE AGE, SOMETIMES YOU JUST NEED SOMEONE IN YOUR LIFE TO SHARE SOME THINGS WITH AND WHEN THIS SOMEONE IS NOT FORTHCOMING, YOU TRY TO SEE IF YOU CAN MAKE THE AVAILABLE PERSON WORK TO YOUR STANDARDS, BT AT THE SAME TIME E GOOD MAKE PERSON STILL OPEN EYE……