Pidgin Post - Marriage End Because Wife Confess Say She Dey Wack The ' Thing' For Outside...

 One woman wey dem call Evelyn Ifowodo until last week she been dey married to one man wey get upstairs for izakpa area of water resources for Waffy but na last week Naim family put the marriage asunder because this woman dey doke for outside.

Dem say this Evelyn na former sales girl to the man before when she start to doke the man and meander her way into the man house and born three children for am after she successfully drive the first wife.

Area people say for some time now things start to go bad for the man to the point say him businesses fold up and he no con get watin him dey do so na house he con dey stay and area also observe say na different cars con dey Carry and drop this woman for front of her husband gate even for night hours.

Na last week Naim the man sister con go village go report to elders of the family say she no understand the kind of Waka wey her brother wife dey Waka oh Naim family invite the wife and her husband to come village.

As them reach village, them meet say entire family don gather Naim them put the wife for middle of ogwa begin ask her questions about the accusation of infidelity but before she start to answer Naim family first tell her say make she know say if she deny she go swear with ancestral water to prove her innocence and if na lie she talk, she go d!e 

OMO NA ONCE NAIM SHE AGREE SAY TRULY SHE DON DEY DOKE FOR OUTSIDE.

After the whole thing Naim family order her to go pack her properties and leave their son house but surprisingly when them return back to Warri, this woman son give the man serious beating for going to disgrace his mother for village.

When news reach village Naim family youths mobilize come visit the house but before them reach there, the woman and her children don discharge comot from the house...... Na so marriage take end due to outside doking.

from Waari Aproko on Facebook.