ETU ESI ALU NWANYI NA-ALA IGBO

IGBO KWEENU.........YA

IGBO KWEENU....YA

IGBO KWEZUONU.....ISEE.....

   Umu nnem ekele m unu o....,nke onye chiri ya zere o....

Ó nwanne unu nwanyi na-ekwu.

A siri m stella ka- anyi bloogu o na asusu anyi,maka na igbo amaka!!

     Ndi ugwu na ndi ofe biko si ebe a puo LMAO.

Umu nne m achoro m ka anyi kparita ka esi alu nwanyi na obodo anyi di iche iche.

     Aga m agwa unu etu esi alu nwanyi na-obodo m.

A bu m onye NGBO na EBONYI STEETI.

Ka anyi si alu nwanyi na-be anyi bu e tua;

1. Mgbe nwoke huru nwanyi ohuru na-anya o ga-alu,o ga-aju ya ezi-na-ulo o si.

2.Nke nwoke ga-ejekwuru onye agbata obi nwanyi ahu o choro ilu ka o nyere ya aka iluta nwanyi.

Onye ahu ka o ga-na ezi ozi o ga-ezi ndi be nke nwanyi,ndi be nke nwanyi ga-na ezikwa ya ozi o ga-ezi nke nwoke.

Ndi be anyi na-akpo onye di otua "ONYE NSUBERE", ufodu na-akpokwa ya "NWA NDU UZO".

3.Ndi be nke nwoke ga-agazi na-be ndi nke nwanyi,kwuo ihe ha na-acho n'ezi-na-ulo ahu.

Anyi na-akpo ya "IGBATA NJI", ufodu na-akpokwa ya "IKU AKA".

4. Ndi be nke nwanyi ga-eje juo ese maka ezi- na-ulo nke nwoke choro ibu ogo ha.

Ha ga-aju ka ha mara ma ha abu ndi ohi, ndi na-egbu mmadu,ndi mere aru ma o bukwa ndi nwere ajo oria na-agburu ha.

5. Ubochi akara aka,ndi be nke nwoke ga-abia, o buru na ndi be nke nwanyi emecha go nyocha ha were fu na ndi be nke nwoke bu ezigbo mmadu,ha ga edeputa ihe eji alu nwanyi were nye ndi be nke nwoke.

6. Ndi be nke nwoke ga-eje zutasia ihe ederena-akwukwo ahu.

Aga azuta ihe nna,nne,umunna,umu agbogho,umu okorobia,umu okpu/umu ada,ydgz.

Ha ga-akwukwa ego ha na umunna nke nwanyi kwekotara ha ga-akwu n'isi nwada ahu.

Nkea ka ana-kpo "IME EGO".

7.A ga anozi ebe ahu kwekorita ubochi a ga- agba nkwu.

Ubochi ahu,nke nwoke ga akpo ndi ikwu na ibe ya na ndi enyi ya were gaa na be ndi ogo ya.

Ubochi ahu kwa ka nwada ahu ga egosi oha obodo di ya.

Ndi be nke nwanyi ga ekpekwara ya na di ya ekpere oma,ka alu m di -na - nwunye ha gazie nke oma.

Ndi be nke nwanyi ga ejikwa ngwo ngwo eji ebi na ulo were duo nwa ha nwanyi ulo.

Etua ka-esi eme ya na obodo m.

Ngwa bia kwuo ka esi eme ya na obodo gi.

   Daalu nu o!!!

B.V

AMANDA FAVOUR

Amanda dalu oooooo.