Make una dey drink water dey read dey go!!!
Kpoi! Kpoi! Kpoi!
Una SDK yard pipu dem dem I greet o!
Na so I dey room begin hear noise, I comot see say three corper gehs don comot boxers from Landlord body! Wetin hapun? Make una leave am! Una dis generation nor get respect o! Why una go drag landlord comot from inside bathroom?!
Fiam! Na im landlord run enter my room, lock door from inside!
Oga landlord, na 6 pieces of meat dey inside my pot o! Nor say I nor warn you o! Me I dey beat Adort o!
I face the 'konsensus of an excuse'! I say wetin hapun o!?
Dem say landlord say he wan chop the three of dem at the same time, so dey charge am N100k each, he do finish, he come carry Five hundred naira give dem one by one!
So dem seize him clothes, phones and house keys say na until Landlady come, before dem go give am!
I look dem, shame catch me! So if this landlord give una N300k una go collect? Den say why not?! I say when rain dey fall, una carpet nor dey float? Nor be this same well una dey come fetch water?! Una see battery inside him wristwatch?! Him dross nor dey smell? Hope una know say he go still collect N200 change?
I enter my room, I see say landlord don make himself very comfortable! He tanda behind the door. He don wear my pink polo (dat one sef tanda on top him pot belle), tie wrapper join. He even wear my pink dunlop.I ask am if mah kukuma give am headtie or bonnet join!? *Yeye man!*
Na so I go back out, I ask dem if dey no know say landlord na ritualist?! Dem begin look demselves?! I say he jor confess gimme say he wan use the three of dem, na why he knack dem!
Make una come see shout! Cry! Cover mouth! Going In and out, dey swear for the landlord!
One say make dem quick go see her pastor for church, the second one carry hand put for under begin chant incantations. The third one dey knock Reverend Sister door!
I still dey look dem, when I see person dey sneak comot from oga harvest room with wrapper, dey tip toe, go turn pass staircase.
Tor, I kukuma open my door tell landlord say landlady don come o! Say thank God na inside Oga harvest room she from comot! Say she nor too waka far! Meh he carry himself comot for my side, I wan enter market abegi! I shout give Landlady meh she bring dross come for her husband biko!
Landlord fly comot from my room begin bang on top Oga harvest door! He say make dem call carpenter for am! Say he go uproot the door! *Hian! Person nor fit chop your own, but you sabi carry toothpick ontop another!
Na there dem dey o! With man wey tie wrapper, wear crop top! I wan hep am find headtie and Make up Artist wey go match him combination. *clickstongue*
Na wah for this compound pipu...
Story story .. story.
ReplyDeleteThis na face me I slap you compound oh
Sounds fabulousπ€
ReplyDeleteThe story sweet sha, your pidgin make sense.
Hahahahahaha
ReplyDeleteI dey try imagine the story, e come be like fiction for my ear.
ReplyDeleteThis one na house of commotion.... Everything no just follow. Landlord, community di*k, landlady? no shame, tenants... talk for another day.
You don cheer me up. Thanks
ReplyDeleteThis one sweet die hahaha. Well-done
ReplyDeleteThis na real Fuji house of commotionππ
ReplyDeleteNa barracks you dey stay? Na dem dey get plenty tory
ReplyDeleteI dey read dey laugh,una landlord na werey.
ReplyDeleteπππππ
ReplyDeleteThis one pass fuji house of commotion.
Make everyone one for that compound repent oh. Jesus is coming.
By the way SISI Senaponi, you nko? You too no dey do?? ππππ€π€
Enter your comment...ππ,God dey watch all of una for 3D,but come o, why e be say this kain thing dey common for face me,I slap you?
ReplyDeleteE be like say I go come do holiday for that una compound o π€£π€£π€£ everyday yawaπ
ReplyDeleteThis your compound really get as e be oooπππ
ReplyDeleteI just dey laugh. Yeye corpers wey no get shame.
ReplyDeleteLandlady n landlord....I pity em pikins dem.
Hahaha
ReplyDelete